Sunday, September 21, 2008

KLEINGROEP - WIE IS EK?

NGK Fichardtkruin Kleingroepmateriaal
Week: 21 – 27 Sept 2008
“Wie is EK?”
Gesels met mekaar oor die afgelope kwartaal. Wat staan vir jou uit in dit wat die Here jou opnuut geleer het? Wat beleef jy is die Here se leiding vir a) jou eie lewe; b) jou kleingroep; en c) ons gemeente? Gee genoeg tyd vir elkeen om te deel en om ook as groep saam hieroor na te dink. Dra wat julle by mekaar en by die Here hoor, in gebed op.
Lees Markus 8:27-9:1
· Gesels ‘n eerste rondte met mekaar oor “wie is Jesus vir my?” Luister na mekaar en probeer verbande sien tussen wat elkeen sê.
Die doel van ié gesprek is aan die een kant om net verwonderd te wees en dit te vier dat die Here Homself op verskeie maniere (met in ag neming v elkeen se eie persoonlikheid en omstandighede) aan mense openbaar. Aan die ander kant is dit belangrik om ‘n goue lyn raak te sien dat Jesus vir mense ‘n werklikheid is!
Uit die teksgedeelte is dit duidelik dat dit hier nie net gaan oor “wie is Jesus” nie, maar ook oor WIE IS EK. Dit lyk vir my dat jou Christologie (hoe jy oor Jesus dink) verraai jou antropologie (hoe jy oor mense dink – in besonder jouself). Sien jy Jesus hoofsaaklik net as die verhewe triomfantelik heerser, gaan jy ook verwag om as Christen ‘triomfantelik te lewe’ (vgl Petrus raas met Jesus, v 31-32). Sien jy Jesus hoofsaaklik na sy mensheid (vgl v 28), kan jy maklik in ‘n hopeloosheid verval.
· Kyk gou na Heb 1 & 2 waar beide Jesus se goddelikheid en menslikheid ter sprake is. Hoe balanseer Heb 2:1-4 dit?
Merk net op dat in Heb 1:1-14 Jesus se goddelikheid beklemtoon word deur te sê dat Hy meer is as die engele. In Heb 2:5-18 word Jesus se menslikheid weer beklemtoon deur te onderstreep dat Hy (2:9) vir ‘n klein tydjie ‘n bietjie minder as die engele gemaak is. Heb 2:1-4 hou die balans tussen dié twee dele deur te beklemtoon a) hou vas aan wat jy geleer het oor Jesus (sy goddelikheid en menslikheid), en b) hou vas aan dit wat jy v Hom beleef het – “tekens en wonders” (d.i. Hy as ‘n werklikheid – sy goddelikheid en menslikheid) in jou lewe.
· Wat sê dit vir jou? Hoe moet jy die balans tref tussen a) die feit dat jy in Jesus die opgestane oorwinnaar is, en b) dat jy soos Jesus ‘n ‘lydende kneg’ moet wees?
Ek reken om by die oorwinning vd leë graf (en dus die opstanding v Jesus) en die krag vd nuwe lewe In Christus (deur die werking vd Heilige Gees) uit te kom, moet jy eers deur die kruis gaan. M.a.w., jy moet eers verstaan wat dit beteken om daagliks aan jouself te sterf, deur “die wêreld” verwerp te word, ontuis in “die wêreld” te voel, en ander te dien ten spyte daarvan dat ek nie selfs nie erken word nie, voor jy regtig kan smag na die volheid wat Christus belowe het – vir die lewe wat kom, maar ook vir hiérdié lewe nou. 9:2 dui vir my in dié rigting: die koninkryk v God kom met krag daar waar ek en jy tsv alles wat stukkend, seer en nie reg is nie, en te midde van dit alles met hoop en verwagting leef – ons geestesoë gevestig op Jesus! (vgl Heb 12:1-3).
· In die lig van die vorige opmerking, wat sal dit vandag prakties vir my en jou beteken om (v 34) onsself te verloën, ons kruis op te neem, en Hom te volg?
Raak hier baie prakties. Dink altyd met die antwoord van só ‘n vraag eerste n.a.v Hd 1:8 (se Jerusalem, Judea, Samaria, tot die uiterstes vd wêreld) aan jou onmiddellike kring – d.i. jou huis en familie. Dink dan verder wat hoe jy dit sal doen in jou daaglikse beroep, jou deelwees v SA en ook jou plek as persoon op hierdie planeet. Luister lekker na mekaar ruil idees en insigte uit. HIER MOET DIE WOORD PRAKTIES WORD EN IETS WAT EK KAN GAAN DOEN – ANDERS HELP DIT NIKS…
Sluit af met gebed en vra die Here om jou te help om Jesus waarlik te volg, nie net in sy oorwinning oor die dood en die graf nie, maar ook in die volle implikasies van kruisdra.

PREEK : 21/09/2008 : WIE IS EK?

“Wie is EK?”
Markus 8:27-9:2

INTRO
** Een vd lekker goed in my bediening hier – om te vra in byna elke persoonlike gesprek (of dit nou doopkategese, huwelikskategese, krisis hantering, reg maak vir belydenisaflegging, ens): Wie is Jesus vir jou?...
En dan is dit lekker om te luister / te hoor – uiteenlopende antwoorde / invalshoeke van mense. Maar die EEN DING waarvoor ek elke keer geluister het en gesoek het, was ‘n teken dat Jesus ‘n werklikheid in jou lewe moet wees! (“real”)… Dat – maak nie saak hoeveel leemtes en eensydige verstaan daar dalk v Jesus is nie – dit gaan daaroor dat ‘n lewende persoonlike verhouding met Hom het!
TEKS – Jesus al ‘n hele tyd saam met sy dissipels – Hulle het ook ‘n persoonlike verhouding met Hom gehad. Hulle het tot op hierdie stadium al heelwat saam beleef en ervaar –positiewe & negatiewe ervarings [vgl 8:21, Verstaan julle dan nog nie?]
En nou vra Jesus hulle – al kom hulle al so lang pad saam - Wie sê julle is Ek?... Want dit gaan om veel meer as net wat hulle van Hom verstaan en glo… Dit gaan ook ten diepste wie hulle self is… want Hoe jy Jesus verstaan, bepaal hoe jy jouself verstaan!
TEMA daarom dubbelsinnig: Wie is EK? – 1) Jesus, maar ook 2) ekself…

Hoe ek oor MYSELF dink…
Baie van ons kom uit ‘n kerklike agtergrond (so geleer in kategese, huis en skool) – Ons is verlore sondaars… Ons verdien niks… Ons is eintlik op pad hel toe – SLEGS deur Jesus se genade gered, en dus geredde sondaars. Is natuurlik waar!
MAAR – die afleiding wat ons toe gemaak het en waarvlgs baie van ons geleef het en ons verhouding met die Here hanteer: Ons is NIKS… Ons beteken NIKS… God het eintlik regtig geen rede om ons enigsins lief te hê nie… daar is NIKS in ons wat dit regverdig nie… En dan moet ons eintlik maar met geboë hoofde en krom ruê sonder glimlag en swaarmoedig deur hierdie lewe gaan…
Maar dit is natuurlik nie waar nie! Kyk maar na die gedeeltes in die Bybel oor God se liefde vir ons as mense – na die oorwinning in Xtus wat ons s’n is!... Die krag vd HG in ons lewens! Genadiglik het baie gelowiges DIT begryp en lewe opgewonde lewens!
Ongelukkig het die pendulum nou na ander kant toe oor geswaai. Só opgeneem en meegevoer met wat ek en jy in Christus is, word die kruis en die volle betekenis daarvan ongelukkig té maklik agtertoe geskuif…
Maar DIE KRUIS – en welliswaar die leë kruis! – is dit waaroor dit gaan! Saam met Paulus wil ek uitroep: Ek het my voorgeneem om met julle oor niks anders te praat nie as oor Jesus as die Christus, en wel oor Hom as die gekruisigde (1 Kor 2:2)
Kruis – beteken lyding, smart en dood... En dis nie altyd lekker om lyding en dood besig te wees nie... Nie vir ons nie, en ook nie vir dissipels van ons TEKS nie.

Die verkeerde verstaan v Jesus
TEKS – v 31ev... staan bekend as die 1ste lydensaankondiging (daar is 3). Klaarblyklik het Jesus nou vir die 1ste keer duidelik en reguit vir sy dissipels kom sê DIT wat Hy eintlik kom doen het: lyding – verwerping – sterwe – 3 dae later opstaan...
Maar hulle wou dit nie hoor nie. Lyding en sterwe was nie vir hulle aangename begrippe nie... Dit was nie waarom hulle vir Jesus gevolg het nie! Hulle het eerder die hoop gehad dat Hy soos ‘n Dawid van ouds ‘n magtige koning in Jersusalem sou word en al Israel se vyande sou verjaag! Hoe kan Hy dan nou sê dat Hy moet gaan staan en gemartel, verwerp en doodgemaak word??!... Miskien verstaan Hyself nie so mooi nie?... En daarom vat Petrus Hom opsy om “Hom reg te help”... net weer te fokus... Hom net weer te help om die regte perspektief te kry... om die “ware missie en doelwitte” te verstaan... Die verkeerde verstaan van Jesus...
Dis nou vir my en jou maklik om ons koppe vir Petrus te skud... “Ai ai, Petrus...”. Maar Petrus as leier vd dissipels tree eintlik namens hulle almal op.. Nie net namens hulle nie – hy staan ook as simbool / as tipe vd volgelinge van die Here Jesus deur alle eeu heen... Dis ook ek en jy wat baie keer (onbewustelik?) as’t ware vir Jesus wil “reghelp”...
Here, jy moet nou hierdie gemors in my lewe kom uitsorteer [maak nie saak dat ek en jy dit self veroorsaak het nie...]...Here, verander bietjie dinge in ons land, in ons wêreld... Here, vat die misdadigers en skelms vas! Dryf hulle uit! Vernietig hulle! Maak dat ons weer in vrede en gemak en veiligheid kan lewe! - soos ons gewoond was in “die goeie ou dae”... Here, laat ons ryk, gesond en suksesvol wees!...
Hoe dan nou? Hoekom doen U dit nie?... Dit moet mos!?...
Dis opvallend dat die dissipels net soos ons met dieselfde goed geworstel het. By beide Jesus se 2de en 3de lydensaankondigings (vgl Mk 9:30ev met 33-37 & Mk 10:32ev met 35-45) stoei hulle steeds met hulle verstaan van Jesus... Steeds is dit hulle wat eer en heerlikheid en mag en sukses wil hê as volgelinge van Jesus... Die kruis en lyding en dood staan hulle nie aan nie...
Ja, hulle het al die regte goed gesê. Hulle het bely dat Jesus die MESSIAS (die Hebreeuse woord vir “gesalfde” wat ons ook as ‘Christus’ – Grieks – ken). En dis reg! Maar dis een ding om iets te bely. Dis ‘n ander ding om dit wat jy bely só te glo, dat jy dit lewe.
[** Dink maar aan die bekende Apostoliese Geloofsbelydenis waarmee ons vanoggend se dien begin het. Ons glo dit! Maar leef ons dit?...]
Teenoor die algemene mening dat Jesus net ‘n besonderse profeet wees (v 28), bely die dissipels (en dus die kerk) dat Jesus die MESSIAS / die CHRISTUS is! – en dus die Seun van God wat sy lewe moes kom gee vir ‘n sondige wêreld! Maar in praktyk soek ons ook eintlik maar niks meer as ‘n besonderse begaafde mens wat vir ons voorspoed en veiligheid en sukses sal gee nie... En Jesus sê NEE!... Wyk van My Satan!
Hoor jy die geweldige sterk woorde? – “satan” = teenstander... Hoor jy hoe onverbiddelik Jesus daaroor is?... Hoor jy hoe Hy sonder om te skroom vir sy dissipels en dus ook vir my en jou – sy volgelinge, sy geliefdes, sy eie Kerk wat Hy ten duurste met sy kosbare bloed gekoop het, sê: NEE! Moenie My teenstaan nie!...
Om aan Jesus te behoort / om sy volgeling (dissipel, kerk) te wees, gaan daaroor om v 34, jouself te verloën, jou kruis op te neem, en Hom te volg. Of soos Die Boodskap vertaling dit stel: Dit is soos om jou eie kruis na jou dood toe te dra as Ek [Jesus] dit van jou vra. Dit is soos om jou eie doodsvonnis te teken.
Dit gaan oor KRUISDRA...
Kruisdra
En KRUISDRA is defenitief nie die alg siening as sou ons “kruise” die ongerief, kwale of alledaagse krisisse (hoe swaar en moeilik ookal) van elk dag wees nie. Nee, KRUISDRA is swaarkry en verwerping ter wille van Christus.
En daarmee word nou nie bedoel ‘n soort sadistiese masochisme nie – waar mens doelbewus daarna soek en jy jou genot put om swartgallig en onplesierig in hierdie wêreld te wees nie. Die klem moet dus nie val op lyding nie, maar op die totaal radiale committed gehoorsaamheid en navolging van Jesus. Dit is KRUISDRA.
Jy sien, Jesus het – ofskoon Hy as die 2de Persoon in die goddelike Drie-enigheid – al die eer en heerlikheid en aanbidding waardig is, Hom in die woorde van Filp 2:7 Homself kom verneder deur die gestalte van ‘n slaaf aan te neem – lett: “Homself van Homself kom leegmaak” – en mense kom dien. Met onvoorwaardelike liefde en compassion, in sy eie weerloosheid, het Jesus uitgereik na alle mense... ongeag wie en wat hulle was. Selfs al verwerp hulle Hom. Selfs al gee hulle Hom geen erkening of aanmoediging nie – gooi wat Hy doen en sê in sy gesig terug. Selfs al bespot en martel hulle Hom, het sy liefde en omgee nooit opgehou nie. [Vgl Luk 23:34 toe Hy daar sterwend aan die kruis hang, Vader, vergeef hulle want hulle weet nie wat hulle doen nie...]
Hoe meer ek en jy besef dat DIT is WIE en WAT Jesus is, hoe beter sal ons ook vorder op hiérdié pad om dié kruis op te neem en Hom hiérin te volg.
Dit beteken dat ek en jy ook soos Jesus onsself daagliks van ons self – ons eie voorveronderstellinge / behoeftes na gemak en emosionele veiligheid.. behoeftes na ‘geestelike sukses’ en dit wat ons wil hê... hoe ons wil hê die lewe en ons lewe moet uitwerk... Ons moet ons deur sy genade en die krag van die Heilige Gees in ons, daarvan losmaak / leegmaak. Ons sal onsself daagliks moet gaan vra dat die Here vir ons geleenthede moet wys waar ons in ons eie swakheid en kwesbaarheid spreekwoordelik “ander se voete kan gaan was” – selfs sonder enige erkening of positiewe reaksie... selfs al word dit in ons gesigte teruggegooi... Met Jesus het hulle net só gemaak. Dit is KRUISDRA. Dit is wat dit beteken om Jesus regtig te volg en sy kerk te wees!
En ofskoon dit verskriklik swaar en erg lyk en kan wees, het dit die allerbeste waarde omdat dit my werklik vry maak en my in ‘n persoonlik verhouding aan Jesus Christus verbind! Dan is die “koninkryk van God” – daar waar Hy regeer en heers, nie net besig om in my en jou wêreld te midde van smart en sonde te kom nie, maar om ook IN ONS waar te word!

SLOT
Die Here kom vra vanoggend vir my en jou: Wie is EK?... 1) Gaan oor WIE en WAT Jesus vir jou is... Maar dis ook ‘n vraag wat ek en jy vir onsself moet vra: Wie is ek?.. Wie is ek as volgeling van Jesus?...
Kom ons antwoord Hom saam met die volgende verbintenis:
Here, U is die Een wat U bestaan op Godgelyke wyse nie beskou het as iets waaraan U Uself moes vasklem nie.
Here, het Uself kom leegmaak van Uself om in U weerloosheid sondige mense soos ek te kom DIEN, en ons van onsself te bevry!
Sodat in u Naam elkeen wat in die hemel en op die aarde is, die knie sal buig, en elke tong sal erken: U is die Here!
Here, deur u krag en deur u genade wil ek U kom eer en aanbid.
Maar Here, ek wil daagliks ook myself verloën, u kruis opneem, en U in weerloosheid volg deur te DIEN - maak nie saak wat dit my kos nie.
Want Here, ek is U s’n, en u koninkryk is besig om met krag in my aan te breek!
Amen.

Saturday, September 13, 2008

40 DAE : WAT 'n FEES : KLEINGROEP

Tema: 40 dae: wat ‘n fees!

Deeltyd.
Deel met mekaar die vreugde wat jy tydens vanoggend se erediens beleef het.

Lofprystyd.
Loof die Here vir dit wat jy beleef het.

Terugdinktyd.
Deel met mekaar wat die afgelope 40 dae in die temas vir jou uitgestaan het:

Wat op aarde doen ek hier? Kol 1: 16
Ek laat God glimlag!

Aanbidding.
“…Gee julleself aan God as lewende en heilige offers wat vir Hom aanneemlik is…” Rom 12:1
Ek is deel van God se gesin.

As gesinslede gee ons vir mekaar om.
“Julle is nie meer ver van God af nie, maar… lede van die huisgesin van God.” Ef 2:19
Ek word soos Christus!
Groei in verhouding na geestelike volwassenheid.
“…Ons word al meer verander om aan die beeld van Christus gelyk te word. Die heerlikheid wat van ons uitstraal, neem steeds toe…” 2 Kor 3:18
Ek is ge”shape” vir diens.
Dien mekaar.
“In Christus het God ons geskep om ons lewe te wy aan die goeie dade waarvoor Hy ons bestem het”. Ef 2:10
God stuur my!

Vertel van God.
“…ek het my aan almal diensbaar gestel om soveel as moontlik mense vir Christus te wen.” 1 Kor 9:19
Getuienistyd.
Wat het die 40 dae vir jou beteken?

Danktyd.
Dank die Here vir dit wat Hy in mense se lewens / jou eie lewe gedoen het.

Thursday, September 11, 2008

Dag 40 : Leef met ‘n doel

36En volgens die besluit van God het Dawid tog gesterwe nadat hy die mense van sy tyd gedien het. Hy is by sy voorvaders begrawe, en sy liggaam het vergaan. Hand 13:36


Ons kom aan die einde van die 40 dae, ons het gekyk na die temas:
Ons laat God glimlag. Dien God.
Ons is deel van God se gesin.
Ons word soos Christus.
Ons is “Ge-Shape” vir diens.
Ons word gestuur...

God het my en jou geskep om bostaande doelwitte in ons lewe uit te leef.

Dit los my met ’n paar vrae:
Wat is die fokus punt van my lewe, het ek dit neergeskryf?
Wat gaan God in my hart sien, wat gaan die mense sien? Gaan my lewe ’n lewe van integriteit wees?
Wat gaan my oomblik vir oomblik se aksies wees, om nader aan my doel te kom?
Gaan ek stil word, om te luister wat God se plan vir my lewe is?

Wednesday, September 10, 2008

Dag 39 : Balanseer jou lewe

15Wees baie versigtig hoe julle lewe: nie soos onverstandige mense nie, maar soos verstandiges. Ef 5:15.

Volgens Rick Warren het God vyf doelstellings vir ons lewens, soos bespreek die afgelope 38 dae.
Ons laat God glimlag. Dien God.
Ons is deel van God se gesin.
Ons word soos Christus.
Ons is “Ge-Shape” vir diens.
Ons word gestuur...

Hoe hou ek my lewe is balans, om bostaande die middelpunt en fokus van my lewe te maak:
Deur goeie geestelike vriend(e), of kleingroepie.
Selfondersoek.
Skryf my geestelike ervarings neer.
Deel my kennis met ander.

Tuesday, September 9, 2008

Dag 38 : Word ‘n wêreld klas Christen

Wêreld klas Christen vs wêreldse Christen....

3sodat sy dade oor die wêreld heen bekend mag word, sy reddende krag onder alle nasies.
Psalm 67:3

Hoe dink ‘n wêreldklas Christen:
Self-gesentreerde denke na ander-gesentreerde denke.
20Broers, moenie in julle denke kinders wees nie. Wees onvolwasse in die slegte dinge, maar in julle denke volwasse. 1 Kor 14:20

Plaaslike denke na globale denke.
26Uit een mens het Hy al die nasies gemaak. Hy het hulle gemaak om oor die hele aarde te woon. Hy het bepaal hoe lank hulle sal bestaan en waar hulle sal woon. 27God het hulle gemaak om Hom te soek, al sou hulle ook moes rondtas om Hom te vind. Hy is nie ver van enigeen van ons af nie. Hand 17:26-27.

Hier en nou denke na ewige denke.
Terwyl ons dan so ’n groot skare geloofsgetuies rondom ons het, laat ons elke las van ons afgooi, ook die sonde wat ons so maklik verstrik, en laat ons die wedloop wat vir ons voorlê, met volharding hardloop, Hebr 12:1

Verskuif van verskonings na oplossings.
7Toe sê die Here vir my:
Jy moenie sê: “Ek is te jonk” nie.
Jy moet gaan na wie toe
Ek jou ook al stuur,
en alles wat Ek jou beveel om te sê,
moet jy sê.
8Moenie vir hulle bang wees nie,
want Ek is by jou,
Ek sal jou red.
Dit is wat die Here gesê het.
Jer 1: 7-8

Monday, September 8, 2008

Dag 37 : Deel jou lewensboodskap

7So het julle ’n voorbeeld geword vir al die gelowiges in Masedonië en in Agaje. 8Van julle af is die woord van die Here in Masedonië en in Agaje verkondig, en oral het die mense gehoor van julle geloof in God, sodat dit nie vir ons nodig is om nog iets daaroor te sê nie. 1 Tes 1:8

1:7–8 Die inspanning van hulle liefde. As jy God se liefde ervaar het, word jy bereid om hard te werk om daardie liefde in jou lewe sigbaar te laat word. Só word jy ’n voorbeeld vir ander gelowiges, en weerklink die woord van die Here uit jou woorde en dade. Om ’n voorbeeld te wees, verg harde werk, dit verg die inspanning van jou liefde. Namate jy dit regkry om hard te werk ter wille van ander, en jy só God se liefde laat blyk, kry jy al groter sekerheid oor jou eie uitverkiesing. Jou liefde dien as’t ware as ’n bewys dat God jou sy kind gemaak het. Die Bybel in Praktyk.

Ons het die volgende lewensboodskap om met ander te deel:
Ons getuienis: Hoe God ons gered het, hoe Hy elke dag in ons lewens werk en wondere verig, ook Sy groot genade.
Ons lewenslesse: Die lesse wat ons langs ons lewenspad geleer het; Mislukkings, gebrek aan..., pyn, hartseer, geduld, siekte, teleurstellings ens.
Ons Godelike passie.
Die Blye Boodskap van verlossing.


15In julle harte moet daar net heilige eerbied wees vir Christus die Here. Wees altyd gereed om ’n antwoord te gee aan elkeen wat van julle ’n verduideliking eis oor die hoop wat in julle lewe 1 Pet 3:15.

Sunday, September 7, 2008

Dag 36: Vir sending geskep

19Gaan dan na al die nasies toe en maak die mense my dissipels: doop hulle in die Naam van die Vader en die Seun en die Heilige Gees, en 20leer hulle om alles te onderhou wat Ek julle beveel het. En onthou: Ek is by julle al die dae tot die voleinding van die wêreld.” Mat 28:19-20

Ons bediening is ons diens aan gelowiges en ons sending is ons dien aan ongelowiges.
25waarvan ek ’n dienaar geword het volgens die opdrag wat God my gegee het om sy woord ten volle aan julle bekend te maak. Kol 1:25

Die belangrikheid van ons sending:
Ons sending sit Jesus se sending op aarde voort. Mat 28:19-20
Ons sending is voorreg.
Deur ons sending werk ons saam met God en ons verteenwoordig Hom op aarde.
As medewerkers van God doen ons ’n beroep op julle om te sorg dat julle die genade van God nie tevergeefs ontvang het nie. 2 Kor 6:1
Die grootste geskenk aan ander is om hulle te vertel hoe hulle die ewige lewe kan verkry.
Ons sending is van ewige belang.
4So lank as dit nog dag is, moet ons die werk doen van Hom wat My gestuur het; die nag kom, wanneer niemand kan werk nie. Joh 9:4
Ons sending gee betekenis aan ons lewe.
24Maar al is my lewe vir my kosbaar, reken ek dit van geen belang nie as ek maar net my lewenstaak kan voltooi en die dienswerk wat ek van die Here Jesus gekry het, kan klaar maak: dit is om die evangelie van God se genade te verkondig. Hand 20:24
Ons sending van die wereld.

. 14En hierdie evangelie van die koninkryk sal in die hele wêreld verkondig word, sodat al die nasies die getuienis kan hoor. Eers dan sal die einde kom.” Mat 24:14

Preek : Tema 6 : God stuur my!

40 DAE: Tema 6
1 Korintiërs 9:16-27
“God stuur my!”
Intro
Wie is jy?... Wat is jou IDENTITEIT?... 69061951****... NEE, nie jou ID no nie.. Ek soek ook nie jou personeelno, of studenteno, weermagno, of selfs belastingno nie. JY is meer as dit!
Afr / Eng?, Blank / Nie-blank?, ‘n Vrystater?, Suid-Afrikaner?... NG lidmaat?... NEE, jy is nog meer as dit!

Wie is jou?... Wat is jou IDENTITEIT?... [WYS DIE SILHOEET VD MANNETJIE IN DIE PRENTJIE]

Ek & Jy is Gestuurdes!...

Die afgelope klompie weke is ons heeltyd besig om te kyk na ‘Wat op aarde doen ons hier?’ – wat is ons doel? Ja, ons is hier om God te laat glimlag... Ja, ons is hier om deel v God se familie te wees... Ja, is ons hier om al meer soos Christus te word... Ja, ons is hier om deur Godge-SHAPE te word vir diens... MAAR HOEKOM?

OMDAT Ek en Jy Gestuurdes is! Ons het ‘n opdrag van die Here God gekry en DIT MOET ons gaan doen – maak nie saak wat nie! En ofskoon die fynere detail daarvan in elkeen van ons se lewens anderste lyk, is ons opdrag basies dieselfde as dié van Paulus van ons TEKS...

“...EK verkondig die evangelie omdat ek moet! En wee my as ek dit nie doen nie” (1 Kor 9:16a)

Of soos hy ook sê in 2 Kor 5:14, “Die liefde van Christus dring ons...”

Jy sien, toe die Here Jesus Paulus se lewe die dag op die pad na Damaskus (Hd 9) kom aanraak en totaal kom omkeer het, het ALLES vir hom verander! Van nou af was dit nie meer wat hy wou of nie wou doen nie... Hy was uitverkoop / sold out die liefde, die wil, die roeping van Jesus Christus!

Daarom kan hy sê in Filippense 1:21, “want om te lewe is vir my Christus, en om te sterwe is vir my wins” .

Paulus is GEDRYF deur dié alles-oorheersende passie! Hy was ‘n Gestuurde en NIKS was belangriker nie!

Daarom praat hy ook in ons TEKS, verse 24-27 – as hydie beeld van ‘n atleet en bokser gebruik – van ‘n doelgerigtheid, ‘n fokus, ‘n dissipline!... Alles net om sy roeping as ‘n Gestuurde uit te leef en te vervul!

Mens sou met reg vir hom kon vra of dit dan nie maar net soos die ou Joodse wet, ‘n ‘nuwe ongenaakbare dwang’ is nie?... ‘n tipe van ‘n sware slawerny nie??...

MAAR Paulus sê baie duidelik in hiérdié deel van die Brief, dat hy deur die Evangelie van Jesus Christus juis vry is!...

“Is ek nie vry nie?...” (1 Kor 9:1a) EN “Hoewel ek vry is en van niemand afhanklik nie,...” (1 Kor 9:19)

En dis JUIS vanuit hiérdié VRYHEID dat hy dan KIES om homself onder God te stel – diensbaar, gewillig, oorgegewe. Maar nie net onder God nie – ook onder mense, om JUIS hulle twv die Evangelie te dien!

“...het ek my aan almal diensbaar gestel om soveel mense as moontlik vir Christus te wen” (1 Kor9:19)

Paulus sê dan in vers 21 hy doen dit, omdat hy “onder die wet van Christus” staan.

Maw – in stede daarvan om aan die Joodse wet of enigiets anders ondergeskik te wees, stel hy homself gewilliglik ondergeskik aan DIT wat Jesus wil hê. Om vir Jesus te gehoorsaam / na te volg / sy wil te doen / sy moraliteit / sy voorbeeld – is vir Paulus die hoogste diens!

En soos Jesus betrokke was in die wêreld / by mense – deur te help / te genees / te red / te herstel / met liefde en genade te om-arm... Wil Paulus ook. Soos iemand dit stel: dit gaan hier vir Paulus om ‘n etiek van betrokkenheid vs ‘n etiek van vermyding – die etiek van Jesus teenoor die etiek van die Joodse leiers, die Fariseërs.

Dis interessant dat die naam “Fariseër” juis beteken “om af te skei”... om eenkant te hou. En dit was dan ook hul hoogste strewe. Juis om die suiwerheid van hulle oorgelewerde leer en waardes te bewaar, het hulle allerhande reëls en uitgebreide verordeninge ingestel om hulle van die algemene bevolking, die ‘gepeupel’ af te skei! Hulle IDENTITEIT is bewaar deur ‘n etiek van vermyding, en die trek van allerhande grense.

Wat van jou IDENTITEIT?... Jou geestelike IDENTITEIT as kind van God?... Is jy onder die ‘wet van Christus’ met ‘n etiek van betrokkenheid?... Of is jou IDENTITEIT dié van die Fariseërs? – een van vermyding van ander?... die trek van grense?...

Vir Paulus was daar nie eens ‘n vergelyking tussen die twee nie! “...Ek het my aan almal diensbaar gestel om soveel as moontlik mense vir Christus te wen” (vers 19). Vir die Jode – soos ‘n Jood... Vir die onder die wet – onder die wet... Vir die sonder die wet – sonder die wet... Vir die swakkes - swak... Vers 22,“Vir almal het ek alles geword om in elk geval sommige te red”...

Beteken dit dan dat Paulus ‘n manterdraaier ? / ‘n verkleurmannetjie ? / ‘n tweegesig? was?... Dat hy skaamteloos links en regs – na gelang van by watter groep hy is – sy beginsels sommer kon prysgee?...
Nee, verstaan mooi. Die Joodse wet en kultuur met al sy regulasies en ordes was nie enigsins vir hom beginselsake nie. Hy was JUIS bevry uit die doolhof daarvan! Dit was vir hom niks meer as blote gebruike nie waaraan hy geensins gebonde was nie. Sy BEGINSELS wat hy nooit sou prysgee nie, was gesetel in sy IDENTITEIT in Jesus Christus!

Hy was ‘n GESTUURDE!...

Net só is jou en my IDENTITEIT – ongeag ons kultuur of konteks, ook dié van ‘n GESTUURDE! Maak nie saak waar jy jou bevind nie... Of dit nou by die huis / werk / skool / tussen jou vriende is... Waar jy ookal beweeg, jy is ‘n Gestuurde! Jy is soos Matt 5:13 sê “die sout van die aarde wat die regte geur geen aan hierdie wêreld!”

Besef jy dit?... Is jy bereid “om te gaan” en juis DIT te wees?... Of wil jy jou dalk soos die Fariseërs van ouds eerder van ander afskei?... Eerder grense om jou trek?... Ander eerder vermy as om betrokke te raak?...

Het jy ‘n passie vir God se stukkende wêreld?... Vir mense wat sonder Jesus Christus leë sinlose lewens lei?...

Sout beteken niks as dit in die veiligheid van die ‘soutpot’ bly nie. Dit moet juis daar kom waar dit die grootste verskil kan maak / die grootste effek kan hê! Ek en jy moet as Gestuurdes nie maar net van dag tot dag leef en met ons eie goedjies aangaan nie... Ons kan nie! Ons moet bewustelik met God se oë / sy insig na die wêreld waarbinne ons beweeg kyk... Dit sien soos Hy dit sien... En dit met sy liefde en genesing aanraak soos Hy dit wil!

Vers 22, “Vir almal het ek alles geword om in elk geval sommige te red”...

Wat is dit wat in JOU KONTEKS / JOU wêreld stukkend en seer is?... Wat lê die Heilige Gees op jou hart?... Miskien in jou familie?... Daar waar jy werk?... Mense of situasies waarmee jy in aanraking kom?... Dit wat swaar op jou hart lê... Weet dan, jy is God se Gestuurde in dié situasie! Gaan DIEN.. Gaan leef onvoorwaardelike liefde en aanvaarding in dié situasie – totdat hulle jou vra “waarom” en jy – in die woorde van 1 Pet 3:15 gereed kan wees om ‘n antwoord te gee van die hoop wat in jou leef!
Jy sien, op die lange duur is NIEMAND bestand teen konstante volgehoue Godsliefde nie!

Ken jy die beeld van die glas met water op die tafel? Soos die glas voller en voller word, loop die water eers op die tafel uit, en van die tafel op die mat, en van die mat uit by die deur na buite toe. Die bedoeling van die water is nie om in die glas te bly nie. Dit moet buite kom – want daar is dit só nodig omdat dit só droog is!

En dis presies die beeld wat ons gestuurdheid in hierdie wêreld die beste uitbeeld. Soos Hand 1:8 sê, ons moet tegelykertyd gerig wees op ons Jerusalem – Judea – Samaria – EN die uiterstes van die wêreld. Dis nie ‘n of / of situasie nie. Die water kan nie buite kom sonder om eers oor die tafel en die mate te loop nie. Net so kan die water nie maar net in die glas, of net op die tafel of die mat bly nie. A dit die regte lewendgewende water is, loop en loop en loop dit!
Só sal ons gestuurdheid ook ‘n effek moet hê tot aan die uiterstes van die aarde!

Wow! Wat ‘n wonderlike roeping!! Saam met Paulus wil ek sê dat daar niks anders is wat ek wil doen nie! Ek wil die evangelie verkondig omdat ek nie anders kan nie! Ofskoon ek vry is en van niemand afhanklik nie, wil ek my aan almal diensbaar stel om soveel as moontlikmense vir Christus te wen! (vers 16 & 19). Dis my IDENTITEIT!

Wat van jou?

Wie is jy?... Wat is jou IDENTITEIT?...

Kies vandag om ‘n Gestuurde van God te wees in jou wêreld! GAAN!!

“God stuur my en jou!”
Amen.

Saturday, September 6, 2008

TEMA 6: God stuur my!

TEMA 6: God stuur my!
(Dag 36 - 40 uit Doelgerigte lewe.)

In Joh 20:21 sê Jesus aan sy dissipels na sy opstanding, “Soos die Vader My gestuur het, stuur Ek julle ook”. Daarom tree ons in die woorde van 2 Kor 5:20 as gesante van Christus op. Die sending wat Jesus op aarde gehad het, is nou ons sending! Ek en jy is gestuurdes van God!

· Gedurende die 40 DAE van DOELGERIGTE LEWE het ons geleer van God se 5 doelwitte met ons lewens op aarde. Hy het my gemaak om ‘n lid van sy familie te wees; om ‘n model van sy karakter te wees; om sy glorie te vergroot; om ‘n bediener van sy genade te wees; en om ‘n boodskapper van sy Blye Boodskap aan ander mense te wees. Gesels met mekaar oor die belangrikheid van die 5de doelwit in die lig daarvan dat dit al een is wat NET OP DIE AARDE kan geskied.
Die klem moet hier val dat ofskoon die ander 4 doelwitte net só belangrik is, hulle almal oploop na die 5de doelwit as die hoogtepunt van “wat op aarde doen ek hier?” – dws my doel hier op aarde.

Lees 1 Kor 9:16-27 en gesels oor die vlgde opmerkings:
· Beteken die gedeelte dat Paulus nou glad nie meer ‘n Jood is nie? Waarin vind Paulus sy ware identiteit? (vgl ook Filp 3:4-11)
Paulus hou defenitief nie op om ‘n Jood, of Hebreeus-sprekende te wees wat in die Joodse wet geskool is nie. Ek sou selfs so ver gaan as om te sê dat dié sake sekerlik nog vir hom kosbaar was. Die punt is: dié goed bepaal nie eens naastenby wie hy werklik is nie – dws sy ware identiteit. Hy is ‘n deur God-gestuurde, en het die vryheid om gemaklik heen en weer tussen sy ander indentiteitsmerkers (d.i. sy Joodsheid, ens) te beweeg sonder dat dit hom bind. Hy word net gebind deur sy indentiteit in Christus as ‘n gestuurde.

· Gesels met mekaar oor wat Paulus bedoel as hy in vers 21 sê dat hy “onder die wet van Christus” staan.
Om “onder die Joodse wet” te wees, beteken om absoluut daardeur gebonde te wees. Dit en dit alleen bepaal jou lewe. In teenstelling daarmee is om “onder die wet van Christus” te wees, om Christus te gehoorsaam en wat Hy gedoen en geleer het, na te volg. Waar die Joodse wet onderdrukking, afskeiding en vermyding van die wat anders is tot gevolg het, maak die navolging van Christus mens juis vry om oop te wees vir ander en by hulle betrokke te raak.
· Wat beteken het die frase, “love them till they ask you why” vir die hele begrip van ‘n gestuurde deur God? (vgl 1 Pet 3:15-16)
Om vir mense tromp op te gaan staan en “preek” om hulle “harte vir die Here te gee” gaan waarskynlik nie baie sukses hê nie. Mens sou eerder vanuit die liefdesgebod (vgl Jh 13:35) op só wyse met mense moet omgaan dat hulle die waarheid van wie Jesus is in jou lewe sien en jy só die reg kry om met hulle oor Jesus te praat.
· Gesels saam aan die hand van Hd 1:8 oor die implikasies van ‘n gestuurde van God wees.
Getuie / gestuurde in Jerusalem: hier waar jy woon en elke dag beweeg – en dus mense en situasies met wie jy fisies in aanraking kom. In Judea: die groter area van jou stad / provinsie – waar jy nie so gereeld kom nie – nie met almal fisies in aanraking kom nie. In Samaria: in die groter SA (ook Afrika?) waarvan jy dalk heelwat weet wat aangaan – maar waar jy nie self mee fisies kontak het nie. Die uiteindes van die wêreld: presies soos dit sê. DINK AAN PRAKTIESE MANIERE WAT JULLE GROEP KAN DOEN OM GESTUURDES IN AL HIERDIE KONTEKSTE TE WEES.

Verbind julleself daaraan om bewustelik en prakties as God se gestuurdes in hiérdié wêreld te gaan leef.

Shalom!
De la Harpe

Dag 35: God se krag in my swakheid?

4want al is Hy gekruisig in die swakheid van ’n mens, Hy leef uit die krag van God. En in Hom is ons ook swak, maar saam met Hom sal ons uit die krag van God lewe. Dit sal julle sien. 2 Kor 13:4


Ek moet moet “swak” wees, die eie ek afsterwe, sodat God deur my kan werk...

Ek deel graag die volgende gedeelte uit Bill Hybels en Ken Blanchard se boek, “Leadership by the book”:
Leadership Credo
1. I admit that on more than one occasion I have allowed my ego needs and drive for earthly success to impact my role as a leader.
2. I've come to believe that God can transform my leadership motives, thoughts, and actions.
3. I've made a decision to turn my leadership efforts over to God, and to become an apprentice of Jesus.
4. I make a daily inventory of my leadership motives, thoughts, and behaviors that are inconsistent with servant leadership.
5. I admit to God, to myself, and to my significant others the exact nature of my leadership gaps—when I behave in ways that do not make Jesus proud.
6. I am entirely ready to have God remove all character defects that have created gaps in my leadership.
7. I humbly ask God to remove my shortcomings and to strengthen me against the temptations of recognition.
8. I'm making a list of people whom I may have harmed by my ego driven leadership, and I am willing to make amends to them all.
9. I make direct amends to each person whenever possible, unless doing so would injure them or others.
10. I continue to take personal inventory regarding my leadership role, and when I am wrong, I promptly admit it.
11. By engaging the disciplines of solitude, prayer, and study of the Scripture, I seek to align my servant leadership efforts with what Jesus modeled, and too constantly seek ways to be a servant first and a leader second with the people I encounter in my leadership responsibilities.
12. Having had a "heart attack" regarding the principles of servant leadership, I have tried to carry this message to other leaders, and to practice them in all my affairs.

Leadership by the book: Bill Hybels

Dag 34: Dink ek soos ‘n “Servant leader”?

Dink aan ander en nie aan myself?
4Julle moenie net elkeen aan sy eie belange dink nie, maar ook aan dié van ander. Fil 2:4

Dink ek met ’n gesindheid, dat alles net aan my toevertrou is ?
Is ek ’n Koningkrykbouer of Weeldebouer?

Dink ek aan my werk en nie wat ander doen nie?
4Wie is jy om oor iemand anders se bediende te oordeel? Sy eie werkgewer sal oordeel of hy goed doen of nie. Maar hy sal goed doen; daarvoor sal die Here sorg. Rom 14:4

Dienaars grond hulle identiteit in God.
18Die man wat die proef deurstaan het, is nie die een wat homself prys nie, maar die een wat deur die Here geprys word. 2 Kor 10:18

Dienaars beskou hulle bediening as ’n geleentheid en nie as ’n plig nie.
2Dien die Here met blydskap!... Ps 100:2


5Dieselfde gesindheid moet in julle wees wat daar ook in Christus Jesus was: Fil 2:5

Dag 33: Wat ware dienaars doen

IS EK ‘n “SERVANT LEADER”?

Stel ek myself vir diens beskikbaar?
4’n Soldaat in aktiewe diens wat sy bevelvoerder tevrede wil stel, bemoei hom nie met die dinge van die gewone lewe nie. 2 Tim 2:4

Is ek altyd op die uitkyk waar ek kan help?
10Solank ons die geleentheid het, moet ons dus aan almal goed doen, veral aan ons medegelowiges. Gal 6:10

Gebruik ek my “SHAPE” ten beste van God en Sy gesin?
4Wie die wind bly dophou, saai nie,wie na die wolke bly kyk, oes nie. Pred 11:4

Doen ek alles wat ek doen met oorgawe?
23Wat julle ook al doen, doen dit van harte soos vir die Here en nie vir mense nie
Kol 3:23
Is ek altyd getrou aan wat ek se en doen?
Psalm 12.
Doen ek bostaande met nederigheid?
3As iemand hom verbeel hy is iets en hy is niks, bedrieg hy homself. 4Laat elkeen sy eie doen en late ondersoek: as dit goed is, kan hy daarop trots wees sonder om dit met dié van ’n ander te vergelyk Gal 6:3-4.


WAAR IS MY ONTWIKKELINGS AREAS?

Dag 32 : Gebruik wat God jou gegee het.

“Wat jy is, is God se geskenk aan jou; wat jy met jouself doen, is jou geskenk aan God”
Deense spreekwoord

15Lê jou daarop toe om jou tot beskikking van God te stel as ’n arbeider wat die goedkeuring van God wegdra, ’n arbeider wat hom vir sy werk nie hoef te skaam nie, wat die woord van die waarheid suiwer verkondig. 2 Tim 2:15

Hoe kan ek die beste gebruik maak van wat God my gegee het, my SHAPE?

Monday, September 1, 2008

Dag 29 – 31 “Geshape om God te dien”

Paulus stel dit dat ons geskep is om God te verheerlik deur goeie dade :

10Nee, God het ons gemaak wat ons nou is: in Christus Jesus het Hy ons geskep om ons lewe te wy aan die goeie dade waarvoor Hy ons bestem het. Eff 2:10

Johannes som sy lewe se werke as volg op:
4Ek het U op die aarde verheerlik deur die werk te volbring wat U My gegee het om te doen. Johannes 17:4.

Dit word gestel soos volg deur Rick Warren gestel, Ons is;
Geskep om God te dien, Eff 2:10
Ons is gered om God te dien, 2 Tim 1:9
Ons is geroep om God te dien, Eff 4:4-14
Ons word beveel om God te dien, Mat 20:28.

Job stel dit in Job 10:8, U hande het my gevorm, my gemaak. Dit wil sê ons is almal uniek soos ons vingerafdrukke om ons unieke gawes vir God in die werêld te kom uitleef....

Rick Warren gebruik die volgende akroniem om te verduidelik hoe God na ons kyk en ons toerus as hy ons ’n opdrag gee: (SHAPE)

Sielgawes “Spiritual Gifts”
7Aan elkeen afsonderlik word ’n werking van die Gees gegee tot voordeel van almal. 8Aan die een word deur die Gees die gawe gegee om ’n woord van wysheid te praat, aan ’n ander ’n woord van kennis deur dieselfde Gees; .... 11Maar al hierdie dinge is die werk van een en dieselfde Gees, wat aan elkeen afsonderlik ’n gawe uitdeel soos Hy wil.
1 Kor 12:7-11

Weer eens is die gawe deur die Gees aan ons gegee, om God te laat glimlag deur hoe ons dit gebruik om God te dien.

Hart, verwys na ons drome, ambisies en emosies. Ons harte openbaar wie ons werklik is... as niemand kyk nie, dit wat net God sien.
34“Julle slange! Hoe kan julle wat sleg is, iets goeds sê? Waar die hart van vol is, loop die mond van oor. Mat 12:34.
Doen ek die dinge in my lewe, wat die passie in my los maak?
Wat is dit wat ek graag wil doen, en dit so sal doen dat God sal glimlag?
As ek dink, as ek besig is met wat, is ek op my effektiefste?
Doen ek wat ander mense in my lewe wou hê ek moet doen, of doen ek dit wat ek wil?
Waaroor droom ek?

Aanleg “Abilities”
Ons natuurlike aanleg kom van God.
Ek kan my aanleg gebruik om God te laat glimlag.
God wil hê ek moet my aanleg gebruik om ander te help tot Sy eer. (Servant Leadership.)

Persoonlikheid, elkeen van ons is uniek met ons eie nikke en grille. Maar elkeen van die persoonlikhede is nodig om spesifieke werke tot eer van God uittevoer.

Ervaring, wat se ervaring vorm deel van my menswees, wat ek kan aanwend om God te laat glimlag, ander te help en te ondersteun?

4In elke moeilikheid bemoedig Hy ons. Daarom kan ons weer ander bemoedig wat in allerlei moeilikhede verkeer. Ons kan hulle bemoedig met dieselfde bemoediging waarmee God ons bemoedig, 2 Kor 1:4

My eie gedagtes:

Om ten volle in harmonie te lewe moet hierdie komponente mekaar komplimenteer in my lewe, dan sal ek ten volle kan lewe tot eer van God. Maar dit gaan kos dat ek God se woord lees, oordink en tweedens bid en stilword dat ek kan hoor wat God vir my wil sê.